Geçenlerde dersaadet birtakım Ermeni müfsitlerinin ilkağ eyledikleri fesadı iğtisasağ saye-i Kadri tevaye i hazreti padişahide def’ ve refedilerek ve emniyet ve asayiş tamamıyla İade olunarak sunuf-i tebai şahanenin iş ve güçleriyle iştigal eylemekte oldukları i’lanat-ı resmiyeden malum iken vakanın hakikat ve mahiyetini bilemeyenler maslahatı i’zam eylemekde ötede beride bir takım havadis furuşlukla halka telaş vermekte oldukları işitiliyor.

Ilanat-ı resmiyeden herkesin malumu olduğu vechile dersaadette sebk eden hadise bir takım Ermeni fesedesinin eser-i habaset ve melaneti olup o hadise dahi saye- i yi tevaye-i cenabı hilafet penahide hükümetce derhal basdırılmış ve mütegasirleri pençe-i kanuna çarpdırılmak üzere taht-ı muhakemeye alınmışdır ki lehül hamd iğtişaşdan eser bile kalmamıştır.

Sunufi teba-i Hazreti mulukane meyanında kemal-i rifade ve saadet-i hal ile yaşayan Ermeni milletinden Hayri ve şerri bilmeyen ve tervilat-i garazkaraneye aldanan birtakım edepsizlerin yapdıkları şekavetden dolayı islam ile sair milletlerin umum Ermeniler aleyhine bir fikr-i husumet hasıl eylemlerine kat’an mahal yoktur; çünkü Erbab-ı Araz ve mefasidin maksad-ı aslileri ehli islam'ı gayz ve gazaba göndererek kıyam ve hareketlerine sebeb olmak kendilerine mazlum ve onların zalim gösterecek vukuane Isti’dad vermek kaziyyeleri olarak bunun neticesi ise ahaliy-i islamiyyeyi hasar ve mazara ve Devleti Aliye iyi muhaliki siyasiyeye uğratmak olacağı ve öyle bir netice-i vahimiye davet ederek halal ve harekat inde ilahi ve risalet penahi ne hilafet penahi de muceb mesu’liyyet bulunacağı cihetle her ferdi müslimin buralarını düşünerek Hilafeti Sine i İslamiyye'in emr ve rızasına itaat ve tevfik-i hareket ederek ve zanlarını ve nefeslerini onunla beraber heyeti islâmiyeyi hatar ve zarara giriftar etmekden pek ziyade ictinab ve mübaadet eylemesi nezd-i ali Hilafet penahi de begayet matlub ve mülzemdir.

Bu vilayet dahilinde mütevvitan Ermeni milleti öteden beri saltanatı seniyenin sunufi  teba haklarındaki eltaf ve eşfak malanihayesinin kadr ve şükrünü bilerek mugayir sıfat-ı tabiiyyet bir hal ve hareketde bulunmamış oldukları misilü bundan böyle de küfran -ı nimet etmeyecekleri ve hilafeti kubrayı islamiyenin evamir  ve münahisine kerdendade-i itaat olan ehaliyi 

İslamiyye dahi 600 seneyi mütecaviz bir müddetten beri komşuluk ederek yek diğerleriyle vatandaşca geçinmekte olan beynlerinde zerre kadar eser-i bürudet  hasıl olmayan Ermeni vatandaşlarına da asla taa’rruz eylemeyecekleri me’muldur. İhtimal ki fesad ve ihtilal arayan birtakım mel unlar efkar-i sadıka erbabını iğfale ve yukarıda beyan olunduğu üzere ehli islam'ı gayz ve gadaba gönderip onları zalim ve kendilerini mazlum göstererek e hali islamiyye hasar ve mazara ve devlete aliyye i ebediyye devamı muhaliki siyasiyeye uğratacak bir hareketi ifâa çalışırlar. 

Işte bu kabil Eşhas-ıdüşman, huzur-ı, memleket olduklarından bunların sözlerine kat’an aldanmamalı ve dünyada ve uhrada işde mücazat ve ukubet olan amali ve efa’li fasidede bulunmamalıydılar.

Veliyy-i nimet bi münemiz Halife Ruy-i zemin ve saye-i rabbul alemin şevketlu adaletlu padişah-ı azimuşşan Efendimiz Hazretlerinin… zill-i ad’l ve …. Hümayunlarında asude nişin olan her sınıf teb’a ve zir-i dustan Hazreti şehriyarileri bila istisna ırz ve mal canlılarından emin olduğundan ve şayed öyle bir güne fenalık ifaına cesaret edenler bulunur ise onların tenkil ve tedibi..  münhasıran hükümete ai’d bulunduğundan Erbab-ı fesadın müdafaa ve istisallerinde mülki ve askeri iltizam-ı sürat edilmemeyipde  bi- kayyidane hareketle memleketim ve ahali-i Müslimenin ve düçar-ı, hasar ve muhalik olmasına sebebiyet verilir ise en küçükten en büyük kumandana ve idareyi mülkiyece en küçük memurdan Alay Beyine ve derece derece valiye kadar terettüp edecek mesu’liyyetin Devleti Aliyyeyi dahilen haricen mevki-i hatarnake koyacak olan şureşin vehamettiyle  mütenasiben icra-yı saltanat-ı seniye'ye mukarep ve muhakkaktır.

İmdi Memur-ini Askeriye ve mülkiye emru ferman kudret-i beyan Hazreti zill-i ilahiye imtisalen, müteyakkız bulunarak hıfz-ıi asayişe her zamandan ziyade itimad etmek de olduklarına mebni erbab-ı fesad tarafından her nerede olursa ise olsun bir şüreş ikaı’na ibtidar edilecek olur ise hükümet bila ifate-i vakt omakule eşirra ve eşkiyayı satvet-i kahire'i askeriyye ile tenkil ve istisam. 

İstisal edecektir ki münhasıran hükümete ait bulunan hakkı tenkile İslam ve sair sunuf-i teba taraflarından zerre kadar müdahale ve iştirak olunmaması lazım gelir. İş bu vezaif-tenkiliyeye sunuf-i efrad-i maliden müdahale olunur.

 NOT: OSMANLICA ASLINA SADIK KALINARAK HİÇ BİR İLAVE VE ÇIKARMA YAPILMAMIŞTIR.